نصيحة رووعة لجمالك
الجمال والاناقة حلم كل ست او بنت نفسها دايما تكون ملكة وتكون جميلة انا بقى هقولك على كام سر عشان تنوري وتبقي زي القمر تعالي ياقمراية معايا وركزي كدا
-جربتي تغسلي وشك من غير صابون وتعملي تدليك بمعجون اسنانك لمده دقيقه جربي وادعيلي
_جربتي تدلكي وشك بزيت ورد وخصوصا شفايفك قبل النوم جربي وقوليلي شايفه ايه في المرايه
_جربتي تحطي معلقه فازلين علي معلقه ملح وتعملي اسكرب للكوع والركبه جربي ومتقوليش عليها غير لحبايبك
_جربتي تعملي لشعرك ماسك زبادي كامل الدسم يا جماله يا جماله
_جربتي تحطي رجلك في مياه سخنه وشاور ومعلقه ملح ومعلقه اريال بتاع الغسيل اه والله يا اووختشي بتاع الغسيل اعمليها وانتي لوحدك هتشوفي بلاااوي
_جربتي بعدها تجيبي حجر القدم وتدعكي هاتي باسكت الزباله جانبك احسن
جربتي لو ضوافرك ضعيفه وبتتقصف تدهنيها بقطنه قبل النوم فيها زيت زيتون لحد الصبح وتشوفي جمالهم