【لأنك إيجابي 】 الأساس البسيط للفهم
الأساس البسيط للفهم
كل شي في هذا الكون
كل شيء يسري فيه مجرى من الطاقه
وانت تتأثر بسيريان هذه الطاقه سواء كنت واعي لها وعارفها او لا
اذا فهمت حقا الطاقه كيف تعمل وكيف تسري في هذا الكون
راح تحلل كل التجارب والخبرات اللي مريت فيها
وراح تحلل ايضا وتتعلم من تجارب الغير
لأنك راح تفهم الاساس
————————
عنوان : معادله متناغمه تعطيك نتيجه متناغمه
بما انك جالس تفهم الان المعادله
وهي سريان الطاقه في كل شي وتأثيرها بكل شي
فأنت بالتأكيد ستصل لنتائج متناغمه فهمها يرضيك
ستفهم لماذا حدث ذلك الموقف في الماضي
وتفهم وتتقبل اي حدث يحدث لك بالمستقبل
لانك راح تكون عارف السبب
ماراح تشعر بانك ضحيه لبعض المواقف والاشخاص بعد الان
لانك راح تحلل كل شي شلون ماشي !!
الحين راح تعرف وين توجهه انتباهك وشنو تركز عليه !!
عشان تحدد تجاربك
اذا فهمت المعادله صح !!
راح تصغر المسافه بين الفكره وتحقيق الرغبه !
راح يكون جذبك واعي
راح تعرف وين توجه انتباهك
———————–
عنوان: انت كائن ذبذبي في كـــون ذبذبي
انت تحس بكل شيء حولك وتتفاعل معاه
سواء كنت متصل بالمصدر او لا
كل ما كان شعورك عالي تحس باحساس ايجابي كل ما كان اتصالك واعي بالمصدر
والعكس صحيح
كل ما كنت تحس بمشاعر سلبيه … كل ما تقلل من نسبه اتصالك بالمصدر
الاحساس الايجابي = اتصال قوي
الاحساس السلبي = اتصال ضعيف
الاحساس السلبي = اي ان هناك مقاومه من الاتصال بالمصدر
انت باتصال ذبذبي مع كل شي حولك
بحاسه النظر اتصالك ذبذبي
فالعين تترجم الذبذبات التي تشاهدها الى اشياء ذات معنى في عقلك
بحاسه السمع اتصالك ذبذبي
باللمس اتصالك ذبذبي
———————-
عنوان : مشاعرك واستشعار الذبذبات
اذا انتبهت لإشارات مشاعرك راح تفهم بدقه كل شيء انت قاعد تمر فيه
او مريت فيه
او راح تمر فيه
لما تولي انتباهك الى شعورك واحساسك راح تعرف وجودك في هذا الموقف وفي هذه اللحظه
ماراح تفهم بس حياتك .. لكن راح تفهم الامور اللي تحصل حق غيرك بعد
——————————-
ابي اقولكم تجربة
——————
اذا حدث اي حدث بحياتك ما اعجبك
على طول ارجع حق مشاعرك ؟
انت شنو تحس فيه ؟؟
هل انت مرتاح ؟
راضي ؟
سعيد ؟
او العكس ؟؟؟
اذا كان اليوم وضعك تمام
راجع مشاعررك بالامس
لابد انك مريت بلحظه كنت متمسك فيها بمشاعر سلبيه
وهي اللي جرت لك هذا الموقف
اوكي !! انا الحين بموقف مو عاجبني
هل اتضايق ؟؟
طبعا لك
عندنا واجد تقنيات ترفع الذبذبات وتخلينا نتخلص من الموقف
1- سامح اذا تقدر
2- عدم الحكم
3- اديها طناش
4- تنفس واكسر الحاله
لانك اذا عشت بالمشاعر السلبيه راح تستمر تجذب اشياء سلبيه ما تعجبك
الموقف وصل لك من شعور سابق وانا مابي مواقف وامور اكثر
عيش اللحظه وتذكر ان اللحظه اللي طافت تعتبر من الماضي !!
الماضي مو بس اليوم اللي طاف !!
الماضي ايضا اللحظه اللي طافت
الاحداث الحلوه المتواصله ما تيي الا من مشاعر ايجابيه متواصله
لاحظوا ان كل المعلمين بهذه اللحظه يدعون الى ان نكون بشعووور حسن طوول الوقت
استغفر ربك واذكر الله وبدل الشعور عشان تغير كل شي
———–
من يخطئ عليك أو يشتمك .. لا تنفعل من أجله !!
بل استخدم القاعدة المكتوبة على مرآة السيارة الجانبية :
(( الأشياء التي تشاهدها أصغر مما تبدو عليه في الواقع ))
