اهــــلاً مُتابعات المُدونَه العــــزيزات 
تدوينه اليوم عن تجربتي مع منتجات باث اند بادي وركس



من اكثر المميزات اللى بحبها عندهم 

اولا : تشكيله الروائح عندهم كتيره جدا و منوعه 
يعني مجرد دخولي لمحلهم بحس بالسعاده من الالوان و الروائح الحلوة .
ثانيا : اسعارهم معقوله خصوصا لو اشتريتي وقت الخصومات 
او العروض ، هما بيعملو خصومات كبيره تصل الى اكتر من النص مرتين في السنه 
،و في نهايه كل اسبوع بيكون عندهم عروض مختلفه زي مثلا اشتري 3 تاخدي 
3هديه او على مجموعه معينه من منتجاتهم ، فلو تحبي تعرفي عروضهم 
تابعيهم على مواقع التواصل الاجتماعي .
ثالثا : بعض منتجاتهم متوفر منها احجام مختلفه يعني صغير وكبير ،
فاذا حبيتي تجربي نوع معين تشتري منه الحجم الصغير ولو 
عجبك تاخدي منه الحجم الكبير .



أول مجموعه هتكلم عنها و هي
 المفضله عندي 
هي DARK KISS :
جربت من المجموعه ثلاث منتجات 
هما الشاور جل و اللوشن و معطر الجسم 
ريحتهم روووعه مزيج بين الفواكهه و الزهور 
هما بالتوت الاسود و الڨانيليا و الحمضيات
لما بستخدمهم مع بعض الريحه ممكن نفضل ثابته يوم بكامله 
و دي من المجموعات المفضله عندي وبحبها جدا واللى لما هخلصها 
احتمال كبير اشتري منها تاني .


المجموعه الثانيه بالاڨندر و العسل  اسمها FRENCH LAVENDER & HONEY
ودي من المجموعات اللى بحبها جدا 
وعشان اكون صريحه سبب حبي الاول ليها 
هو اني بضعف امام اى حاجه فيها عسل :)))
اول منتج هو مقشر بالسكر ، الحُبيبات اللى فيه بتذوب مجرد ما تفرك 
على الجسم و اكثر شئ حبيته بالمقشر هو ريحته ثباتها كويس جدا 
وبتلزق في الجسم حتى بعد ما تطلعي من الشاور بكام ساعه .
سعرها 80 و بعد الخصم 40 درهم .
اللوشن بنفس الريحه الحلوة ترطيبه خفيف و مش بيلزق في الجسم 
الحجم الكبير سعره 60 و بعد التخقيض 30 .
وطبعا لتثبيت الريحه اكتر بستخدم معطر الجسم من نفس المجموعه 
الحجم الكبير سعرها75 و بعد الخصم 35.


المجموعه الثالثه WARM VANILLA SUGAR
المجموعه دي اخدت منها اللوشم و معطر الجسم بالجحم الصغير 
عشان اجربهم زي ما كتبت في الاول 
ريحتهم حلوه لكن انا حبيت دارك كيس اكتر 
لاني بحب الروائح اللى على فواكهه .
اللوشن سعره 30 و بعد الخصم 15 .
معطر الجسم قبل 35 و بعد 15 .



عشان مطولش عليكو هقسم الموضوع 
النهارده هيكون عن المجموعات 
و المره الجايه عن بقيت المنتجات
و الشموع طبعاً اللى تعتبر اكتر المنتجات المشهوره عندهم 
و لو عندك اى استفسار اكتبيلي في التعلقات 
وتابعوني على الانسغرام archnoka@


شاركها.