يظل الصقر من أكثر الطيور ثرب لشعوب الجزيرة العربية وقيل في الصقور الكثير من الأشعار والعبارات , وهنا نقدم لكم بعض هذه العبارات عن الصقر.

كلام جميل عن الصقر , عبارات مدح الصقور , ابيات شعرية عن الصقور و الحباري

القيض مللني ياطيري ومللك – ولا لنا الا مثل صبر المهادي
لاتحسب انا رابطينك نزعلك- ماهي لنا شيمه ولاهي مبادي

واطيري اللي مايتاوق لياشاف=لامن وكد بالطلع تل وعطيته
غدتبه اللي غرفها غرف مجداف=من يوم شفت طيارها مارجيته

واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه

يالطلح مامرك مع الصبـح صافـي

طيرٍ غدا لي امـس والشمـس حيـه

اتلى العهـد بـه راح يطـرد مقافـي

خبري بـه اومـا فـي جناحـه هنيـه

الرد

لا والله الا مـرنـا الـعـصـر وافـــي

كــنــه غــــلامٍ مسـتـغـيـر بـهــيــه

اقـبـل عليـنـا ثــم اخــذ بانحـرافـي

يـوم الحـبـاري وقـعـن لــه سـويـه

لا والله اللي طوّل الطيـر مربـوط..والقلب مثل الطيـر طـوّل رباطـه
يا قلب ياللي بدمه الطيـر مخلـوط..وطوّل عليه القيـظ وزاد اختلاطـه
الطير حبـه يقـدح بقلبـي الشـوط..وجرحه إلا منه بـدا البـرد خاطـه
يا ما على شانه ضربنا له خطـوط..وخط الوعر يصبـح عليـه بلاطـه
لا صار حر(ن) وفعله الزين مشروط..يطلع ويلحـق ضامنيـن اشتراطـه
أشقر حمر ما فيـه توديـع ونقـوط..ما هو وكـري(ن) يغثـك رقاطـه

تنكست عليها منكاس خرشا جذبها اللوح ….حداها العشا والورع الأقشر يلاعبها

داار الفلـك والفـرخ سـمة قرنـاس….. جرااح قرـنس بدل الريـش بااريش
أن أستوت فيه النوايف والامواس….. أرها على صيد الطيار المخاريش

ياما بقلبي هواجيس وافكار —وافز ليجا للمقانيص طاري
اذكر زمن فراع وايام مختار—ايام يوم انا نصيد الحباري
في خايع كله زبيدي ونوار—والسيل توه في مطاويه جاري

مغتـر ولا طبعـه بطبـع المغاتيـر
من يوم رب ووالف الـدس ماحـام
مطلق عمد صافي وسيـع المناخيـر
كن دق صدره دقـة شمـاغ بسـام
عود ويخالى به على الفرخ والجيـر
جسر وعلى المدخال في الجول عزام

صور الصقر

صورة صقر مع صاحبه
صورة صقر مع صاحبه

 

شاركها.