قصائد مدح شيوخ الأمارات - مجلة رجيم

قصائد مدح شيوخ الأمارات

صورة شيوخ الأمارات

محتويات

    قصائد مدح شيوخ الأمارات ,إرث الأولين 48 شعر عن الشيخ خليفة بن زايد , شعر عن الشيخ محمد بن زايد , اشعار عن الشيخ محمد بن راشد .

    قصائد مدح شيوخ الأمارات

    شكراً جزيلا ياشيوخ الامارات
    ياهل الوفا واهل الكرم والرجوله
    يفداكم اللي عايش ٍ في الملذات
    ماسر شعبه وان ظهر صفقوله
    اقولها ياشيوخنا عشر مرات
    بلادنا مامثلها بأي دوله
    مكارم ٍ وزيادة ٍ في المعاشات
    ايدينكم ماهي يدين مغلوله
    منكم بقينا كلبونا فخامات
    واللي نبي يسهل وسهل ٍ نطوله
    منكم رقينا في الطوال المنيفات
    ومنكم نظرنا الغرب نظره خجوله
    ياسيادنا هذا زمان البطولات
    وانتم كسبتويالنشاما البطوله
    شعوب في الدنيا سوى هم والاموات
    حكامهم كل ٍ يهم محصوله
    وانتم عساكم تنعمون بمسرات
    همومكم شعب ٍ يعيش بسهوله
    تجزون عنا يارجال المهمات
    خير من اللي عز منهم صفوله
    ندعي لكم بقلوبنا في الصلوات
    ماربح من خسر البشر مادعوله
    واحنا لكم رهن الندا والاشارات
    شعب ٍ ولكن في الشدايد حموله
    شعب التلاحم مايعرف النزاعات
    مرحوم ياباني على العز دوله
    فيها اتحاد قلوب قبل الامارات
    يبطون الاعداء والكبود مغلوله
    زايد بقى بقلوبنا حي مامات
    والشيخ ابوسلطان شل الحموله
    فشكراً جزيلاً ياشيوخ الامارات
    ياهل الوفا واهل الكرم والرجوله

     

    القصيدة الثانية 

    بكتب قصيده في شيوخ الإمارات

    أمارات سبع المدن عو ومهابه

    زايد موحدها وباقي لو مات

    يبقا وحاضر بأي لحظة سرابه

    وحد صفوف الدار وقت الصعيبات

    وخلاها دولة الكل يعمل حسابه

    بيدي ببوظبي أم البداوات

    خليفة فيها والماتن ركابه

    ودبي صارت عاصمة الحضارات

    أعيال راشد وصلوها السحابه

    والشارفة قامت بروج وعقارات

    دكتورها سلطان يعلى هضابه

    والرأس فيها خالد بكل الأوقات

    أبو صقر بالطيب يذكر جنابه

    وعجمان قامت بالنعيمي عمارات

    حميد شايلها بصدر ورحابه

    وحمد رقا بدار الفجيرة الطويلات

    ولد محمد كله طيب وحبابه

    أم القيوين فيها المعلا الكرامات

    راشد ولد أحمد تعجز الكتابه

    توحدوا من قبل ماكانو سبع رايات

    وصارو يدن وحدة وكلن يهابه

    وقامت بهم دولة سما الإمارات

    ربي يحفظها ويحفظ ترابها
    و سلامتكم

    قصائد عن الشيخ خليفة بن زايد

    يا خليفه

    يا خليفه أو إذا قلنا سمانا

    وذاتهْ المَعْنَى سمانا أوْ خليفهْ

    يا رجانا ويا رجا منهو رجانا

    وسورْ ديرتنا (م) الأيامْ المِخيفهْ

    لو يميلْ الدهرْ سيفهْ في حمانا

    تِذبَحَهْ يا سيّدْ الدنيا بسِيفهْ

    لكْ فدا بارواحنا وغالي دمانا

    وبالقلوبْ المخلصهْ ولاجلكْ نظيفهْ

    إنت حلمْ المجدْ نلنا بكْ مِنانا

    جيتْ غاية مطلبهْ وع كيفْ كيفه

    ما ترفرفْ راية امجادْ بسمانا

    إلا مرفوعه بيمناكْ الشريفِهْ

    ما حد مثلكْ من الحكام جانا

    غيرْ أبوك وانتْ (عَ) العليا رديفهْ

    يا سليلْ المرجلهْ ويا طَعْم مانا

    صاحبْ الأخلاقْ والنفسْ العفِيفهْ

    سيرتكْ مثلْ الذهبْ منها الزمانا

    يضربْ الأمثالْ ويوَصفْ وصيفهْ

    لي يديفْ العطرْ كانْ (فْ) يومْ حانا

    وما لجي طيبٍ لجا لاسمكْ يديفِهْ

    منْ حكمتْ الهَمْ ماهمْ وعنانا

    كيفْ وانتهْ قاطْعِنهْ (م) النصيفه

    كِلّ زين طابْ في عهدكْ وزانا

    وكلّ شين حاينْ وينزفْ نزيفهْ

    شعر: الشيخ محمد بن راشد آل مكتوم

    شعر عن الشيخ محمد بن زايد

    ياسيدي سيد الكل من جد

    هذا كلامي ماهو مجرد تعابير

    لك العهد واجب ولازم ولابد

    مرسل لبوخالد مع كل تقدير

    يمكرم شعب الامارات بلاحد

    يدعون لك عشرين مليون بالخير

    يالعربي الساس جد ورا جد

    سبحان من سخرك للخير تسخير

    في عصرنا مالك نظير ولا ند

    ياشهر من اللي قالوا عنهم مشاهير

    سالم من سلم وضد لمن ضد

    ومالا يصير يصير لو ودك يصير

    من ربي افضالك علينا بلا عد

    معايير حطم جميع المعايير

    من عاش معك اليوم ماهمه الغد

    حيث انته غير وعهدك المزدهر غير

    كنك بحر طيبك جزر والكرم مد

    وشعبك لفوك لضفاف جوادك طوابير

    ولك الغلا والحب مع صادق الود

    لك طلعه تضوي عتام الدياجير

    وانا بعيني شفت بوخالد يديه اتمد

    من الكرم وطيب واخلاقه فوق تعابير

    شعر عن عيال زايد

     

    مابيننا وبينهم فرق شتان
    جماعة سوداء تدس المكايد.

    لا بارك الله في الذي باع باثمان
    أمن البلاد وحط أفك بجرايد

    هذا الوطن مايبغي أمثال الإخوان
    هذا الوطن يريد عيال زايد.
    رجال في حب الوطن تملك إيمان
    حفظ الوطن بالطبع إلهم عوايد.
    من كان في حب الوطن شخص خوّان
    هدم من الإنجاز كل صرح شايد.
    عصابةٍ متلونه عشرة ألوان
    قلوبهم تحمل علينا حقايد.

    دولة إماراتي لها سبعة أركان
    ومن حولهم شعبٍ رجاله عضايد.
    يادار ياللي تفتدى بروح شبان
    بالروح نرخص لأجل أمنك وكايد.

    والله لو ما ذا الشهر شهر شعبان
    لا حشهم بقصيد حش البرايد.

    جونا وكانوا عندنا ناس ضيفان
    وحنا كرمناهم ونكروا الحمايد.

    أبدا و لا راعوا لنا فعل الإحسان ..
    حتى ولا كانوا بموقف محايد.

    راحو علينا يستعينوا بشيطان …
    سموه مرشد واعبدوا له عبايد.

    أمن الوطن لا تلمسه ايد خوّان ..
    قولوا معي حنا ترى عيال زايد.
    انخي القبايل لي لها عزٍ وشان
    وكل اوطني حب الوطن حب وايد.
    أمن الوطن لا تلمسه ايد خوّان .
    قولوا معي حنا ترى عيال زايد.

    قصائد مدح شيوخ الأمارات


    الزوار شاهدو أيضًا

    كلمات ذات علاقة